Takaitattun Labaran Safiyar Yau Talata 29, Jul. 2025
Ahmad Habib Ibrahim1. Tinubu ya ba ‘yan wasan Super Falcons lambar yabo da kyautuka
Shugaba Bola Ahmed Tinubu ya ba ‘yan wasan Super Falcons (winners na WAFCON) lambar yabo ta Officer of the Order of the Niger (OON). Ya kuma ba kowannensu kyautar $100,000 da gidan dakuna uku. Mambobin kwamitin fasaha (technical crew) sun samu $50,000 kowanne.
2. Fiye da 100 na Community Watch Corps da jami’an tsaro sun rasa rayukansu a Katsina
Kwamishinan Tsaron Cikin Gida na Katsina, Dr. Nasir Muazu, ya bayyana cewa ‘yan Community Watch Corps 100 da ‘yan sanda da dama sun mutu a kokarin kare jihar daga hare-haren ‘yan bindiga. Ya ce wasu rahotanni a kafafen sada zumunta na neman tayar da hankalin jama’a ne kawai.
3. Amurka za ta hana biza ga ‘yan Najeriya masu niyyar haihuwa kawai
Gwamnatin Amurka ta ce ba za ta ba da biza ga ‘yan Najeriya da ke shirin zuwa can don haihuwa kawai (birth tourism). Wannan gargadi ya fito ne daga ofishin jakadancin Amurka a shafinsu na X.
4. ‘Yan bindiga sun harbe jami’in DSS a Imo
Wasu ‘yan bindiga sun harbe jami’in DSS da ke aiki a ofishin Daraktan Lafiya na FUTO a Imo State. Lamarin ya faru ne a titin Okigwe–Umuna.
5. Naira ta kara faduwa, yanzu N1,540/$
Naira ta kara faduwa a kasuwar canji, inda ta koma N1,540/$ a kasuwar bayan fage (parallel market), daga N1,535/$. A kasuwar musayar kuɗi ta hukuma (NFEM), ta koma N1,535.5/$.
6. Peter Obi ya zargi Tinubu da bayar da ƙaryar alkaluma
Tsohon dan takarar shugaban kasa, Peter Obi, ya zargi Shugaba Tinubu da bayar da ba daidai ba na alkaluman tattalin arziki. Ya ce Tinubu na amfani da alkaluma ne wajen ɓoye tabarbarewar tattalin arzikin Najeriya.
7. Masu garkuwa da ɗaliban Law School sun yi barazanar kashe su
Wadanda suka yi garkuwa da ɗalibai 6 na makarantar lauyoyi (Law School) a jihar Benue sun yi barazanar kashe su idan ba a biya kudin fansa ba. An sace su ne yayin tafiya daga Onitsha zuwa Yola.
8. ’Yan bindiga sun sace wani attajiri a Anambra
Wasu ’yan bindiga sun sace wani attajiri Ifesinachi Onyekere a yankin Okpuno, Awka na jihar Anambra. Sun harbe shi a ƙafa sannan suka tafi da shi zuwa wurin da ba a sani ba.
9. Dan takarar gwamna na PDP a Kaduna ya sauya sheka zuwa ADC
Tsohon dan takarar mataimakin gwamna a PDP Kaduna, John Ayuba, ya fice daga jam’iyyar kuma ya koma jam’iyyar ADC. Ya aike da wasikar murabus ga shugaban mazabarsa a Ungwan Gaiya, Zangon Kataf.
10. Sojoji sun kama wani dan ta’adda Ba-Nijar a Yobe
Sojojin Najeriya da ke aikin Operation Hadin Kai sun kama wani dan ta’adda daga Jamhuriyar Nijar a Yobe. Sun kuma kashe wasu, suka kama da dama, sannan suka ceto mutane da dama.