Takaitattun Labaran Safiyar Yau Laraba 6, Aug. 2025

Labaran Najeriya Na Yau – 6 ga Agusta, 2025

1. Rikicin Jam’iyyar ADC

Shugabannin jam’iyyar ADC na jihohi sun bayyana wata “juyin mulki ta siyasa” da tsohon Shugaban Majalisar Dattawa, David Mark da wasu suka jagoranta, a matsayin barazana ga dimokuradiyyar jam’iyyar da ƙasa baki ɗaya.

2. Adamu Waziri Ya Caccaki Gwamnatin Tinubu

Tsohon Ministan Harkokin ‘Yan Sanda, Alhaji Adamu Waziri, ya bayyana gwamnatin Tinubu a matsayin “mummunan koma baya”, yana mai cewa har gwamnatin Buhari ta fi ta Tinubu.

3. Dakarun Soja Sun Kashe ‘Yan Ta’adda

Dakarun Operation Hadin Kai sun kashe ‘yan Boko Haram/ISWAP 17 a wasu hare-haren tsaftace yankuna a jihohin Borno da Adamawa.

4. Ambaliya Ta Hana Harkokin Kasuwanci a Legas

Ruwan sama mai karfi da aka tafka tun daren Lahadi ya haddasa mummunar ambaliya a sassan Legas, wanda ya hana al’umma zirga-zirga da kasuwanci a yankin.

5. Zuba Jari Ya Karu a Najeriya

Zuba jari daga ƙasashen waje ya karu da kashi 67.12% a farkon shekarar 2025 idan aka kwatanta da shekarar da ta gabata. A cikin kwata na farko, Najeriya ta samu $5.642 biliyan.

6. Mutuwar Lassa Fever Ta Karu

Hukumar NCDC ta ce mutane 155 ne suka mutu sakamakon cutar Lassa daga Janairu zuwa 20 ga Yuli, 2025. Wannan ya kai kaso 18.9% na mace-macen masu cutar.

7. Gwamnan Benue Ya Baiwa Jami’an Tsaro Umurni

Gwamna Hyacinth Alia na Jihar Benue ya baiwa jami’an tsaro awanni 48 su kamo masu laifi da suka kashe wasu matasa biyu a karamar hukumar Gwer East.

8. Labour Party Ta Nesanta Kanta Daga Zanga-zanga

Jam’iyyar Labour Party ta ce ba ta da hannu a wata zanga-zanga da aka shirya yi a hedikwatar INEC a ranar Laraba, 6 ga Agusta, 2025.

9. Harin Gini a Katsina: Mutane 6 Sun Mutu

Gini ya rufta a lokacin ruwan sama a Dankama, Jihar Katsina, inda ya kashe wata uwa da yara biyar da misalin karfe 2 na dare.

10. Majalisar Benue Ta Dakatar da ‘Yan Majalisa 5

Majalisar dokokin Jihar Benue ta dakatar da ‘yan majalisa biyar saboda rashin bayar da cikakken bayani a binciken cin hanci da ake yi wa shugaban karamar hukumar Otukpo.