Mutum 9 sun mutu, 13 sun jikkata a wani hatsarin mota a Bauchi

Hukumar kiyaye haddura ta kasa (FRSC) reshen jihar Bauchi ta tabbatar da mutuwar mutane tara a wani hatsarin mota da ya afku a ranar Litinin da ta gabata a hanyar Kwanan Shettu da ke kan hanyar Postikum- Azare a Bauchi.

An tattaro cewa wasu mutane 13 sun jikkata a hatsarin, wanda ya hada da tirelar DAF mai lamba KTG 08 XC da wata mota kirar Toyota Hiace ta kasuwanci.

Rahotanni sun bayyana cewa wani Sani Ali ne ya tuka motar tirelar yayin da aka ce mai yiwuwa musabbabin hatsarin ya faru ne sakamakon kayyade saurin gudu (SLV).

Hatsarin ya rutsa da mutane 22 da suka hada da manya maza 21 da mace babba, daga cikinsu manya maza 9 ne suka mutu yayin da 13, wadanda suka hada da manya maza 12 da mace babba suka samu raunuka.
An kai wadanda harin ya rutsa da su zuwa cibiyar kula da lafiya ta tarayya (FMC) dake garin Azare.