Magoya bayan Guinea shida sun rasa ransu sanadiyar murnar nasarar AFCON

Magoya bayan Guinea shida sun rasa rayukansu a lokacin da suke murnar nasarar farko da kasarsu ta samu a gasar cin kofin Afrika da ke gudana a Ivory Coast.

Hukumar kwallon kafa ta Guinea Feguifoot, ta shaida wa BBC a ranar Litinin cewa lamarin ya faru ne a yayin wani bikin murnar da aka yi a titunan Conakry, babban birnin kasar Guinea.

Magoya bayan sun yi biki ta hanyar tukin motoci da hawan babura.

Guinea ta samu nasara ne bayan ta doke Gambiya da ci 1-0 a wasansu na biyu na rukuni-rukuni a kasar Ivory Coast a daren Juma’a, lamarin da ya haifar da shagulgulan murna a duk fadin kasar da ke yammacin Afirka.

Abin da ke da muhimmanci shi ne magoya bayanmu da sauran jama’a su yi murna sosai,” kamar yadda manajan yada labarai na Feguifoot Amadou Makadji ya shaida wa BBC Sport Africa.

“Dole ne su yi taka-tsan-tsan don kada su jefa kansu cikin hadari, domin burin kwallon kafa shi ne a sanya farin ciki kuma kada a bar iyalai cikin makoki. Ba ma son mutuwa ta yi bakin ciki, don haka muna kira ga kowa ya yi murna amma ya kula da kansa don kada wani abu ya same shi.

Makadji ya ce “Guinea kasa ce da mutane ke matukar sha’awar kwallon kafa kuma ba su da kwarewa a fagen kwallon kafa a duniya.”