Dalilin da ya sa ba a sayar da man fetur a kan Naira 1,500/lita- NLC

Kungiyar Kwadago ta Najeriya NLC, ta ce jajircewar Shugaban Majalisar, Kwamared Joe Ajaero ne ya sa ‘yan Najeriya ba sa sayen litar man fetur a kan Naira 1,500.

Kungiyar ta NLC ta kuma dage cewa za ta karbe jam’iyyar Labour daga hannun majalisar zartarwa ta kasa karkashin jagorancin Julius Abure, NEC.

Da yake jawabi na musamman ga jaridar Vanguard, shugaban yada labarai da hulda da jama’a na NLC, Kwamared Benson Upah, ya ce irin karfin hali na shugaban majalisar, Comrade Ajaero ne ya sa gwamnati ta taka tsantsan wajen kara farashin man fetur.

Ya kuma ce shugabancin Ajaero ne ke da alhakin biyan albashin N35,000 daga gwamnati, ya kara da cewa NLC ta dukufa wajen ganin cewa mafi karancin albashi na kasa na gaba zai kasance adadin da zai kai ma’aikata gida.

Kwamared Upah ya ce Shugaban NLC yana tabbatar da cewa an kammala tattaunawa akan lokaci domin ma’aikata su samu abin da zai magance hauhawar farashin kayayyaki da wahalhalu a kasar nan.

Don haka abin da ya fi muhimmanci shi ne ya nace cewa a kammala tattaunawar mafi karancin albashi a cikin lokacin da ya dace,” inji shi.

Da aka tambaye shi ko wane fa’ida ne ma’aikata suka samu daga shugabancin Ajaero a cikin kusan shekara guda da ya zama Shugaban NLC, Upah ya ce: “Na farko kuma mafi mahimmanci, bayar da albashi na nan take amma akwai wasu.

“Mun sanya hannu kan yarjejeniyar fahimtar juna biyu (MoU) tare da wannan gwamnatin (na Shugaba Bola Tinubu). Na farko ya kasance a ranar 5 ga Yuni 2023. Na biyu kuma ya kasance a kan na biyu ko uku na Oktoba 2023. Dubi abubuwan da ke cikin waɗannan yarjejeniyar. Bayar da albashi, matakin da gwamnati ta dauka na maido ko kuma ta amince da biyan albashin da aka hana daga kungiyoyin kwadago hudu na jami’o’i, NASU, NAAT, SSANU da ASUU, na daga cikinsa.