Daga Jaridun Mu A Safiyar Yau

Barka da safiya! Ga takaitaccen bayani daga Jaridun Najeriya:

Kungiyar Tattalin Arzikin Kasashen Yammacin Afrika ta kakaba wa gwamnatin mulkin sojan Nijar da hukumomin da ke tallafa musu, ciki har da gwamnatocin Mali da Burkina Faso takunkumi mai tsauri. Wannan ci gaban dai ya zo ne bayan da tawagar diflomasiyya da kungiyar Tarayyar Afirka, ECOWAS, Majalisar Dinkin Duniya da Amurka suka yi domin sasanta rikicin siyasar Nijar, ya yi kaca-kaca da wani katanga a ranar Talatar da ta gabata, yayin da gwamnatin mulkin sojan kasar ta ki amincewa ta bai wa wakilan tawaga.

An harbe wasu mutane biyu da ake zargin masu garkuwa da mutane ne a garin Iwo na jihar Osun, yayin da hadin gwiwar rundunar ‘yan sanda da mafarauta suka ceto wani makiyayi mai suna Alhaji Adamu da aka yi garkuwa da shi a kauyen Abase. An bayyana cewa da sanyin safiyar Talata ne wasu gungun mutane 11 da suka kai hari kauyen suka sace Adamu.

Mataimakiyar shugabar mata ta jam’iyyar PDP ta kasa Hajara Wanka ta yi murabus. Wanka ta bayyana haka ne a ranar Talata a cikin takardar murabus din da ta aike wa mukaddashin shugaban jam’iyyar na kasa Umar Damagum.

Shugaban kasa Bola Tinubu a ranar Talata a Abuja ya bayyana jajircewarsa na karya ka’idar dogaro da rancen kudi don kashe kudaden jama’a da kuma nauyin biyan basussukan da ya ke dorawa kan tafiyar da karancin kudaden shigar da gwamnatin Najeriya ke samu.

Gwamnatin mulkin soja a Jamhuriyar Nijar ta nada Ali Mahaman Lamine Zeine, wanda a halin yanzu yake rike da mukamin Manajan Bankin Raya Afirka (AfDB) na kasar Chadi a matsayin Firayim Minista. Sabon firaministan kasar ya taba rike mukamin ministan tattalin arziki da kudi.

Shugaban Majalisar Dattawa, Godswill Akpabio ne ya kafa kwamitoci masu zaman kansu na majalisar dattawa. An fitar da jerin sunayen kwamitin da shugabannin ne bayan majalisar dattawa ta tabbatar da nadin ministocin shugaba Bola Tinubu.

Babban Fasto na Cocin Fountain of Life da ke Ilupeju a Legas, Fasto Taiwo Odukoya, ya rasu. Cocin ta tabbatar da rasuwarsa a shafinta na Facebook. An ce Odukoya ya rasu ne a ranar Litinin 7 ga watan Agusta a kasar Amurka (U.S.A). Ya rasu yana da shekaru 67 a duniya.

Mambobin kungiyar likitocin Najeriya NARD da ke yajin aiki na iya janye yajin aikin da suka shafe makonni biyu suna yi bayan wata ganawar sirri da suka yi da shugaban majalisar dattawa, Godswill Akpabio da kuma manyan jami’an majalisar a ranar Talata. Da yake jawabi bayan taron, shugaban kungiyar na kasa, Dokta Emeka Innocent Orji, ya bayyana cewa taron ya yi tasiri.

Amurka ta gargadi gwamnatin Nijar cewa za a iya tura Amurka ta shiga soja idan har shugabannin sojojin kasar ba su koma kan tsarin mulkin kasar ba. Mukaddashin sakatare na Amurka, Victoria Nuland ta bayyana hakan ta wani taron wayar tarho ranar Talata.

Wasu fusatattun mutane sun kona wani da ake zargin barawo ne bisa zargin satar kayan gini a wani sabon wurin gini a unguwar Ekiugbo da ke karamar hukumar Ughelli ta Arewa a jihar Delta. An tattaro cewa wanda ake zargin da ba a tantance ba ya gamu da ajalinsa ne bayan da aka kama shi yana satar kayan alumaco a wani sabon ginin otal a unguwar.