An kama wani mutum yana yunkurin satar mota a Abuja

Rundunar ‘yan sanda a babban birnin tarayya Abuja ta kama wani mutum mai suna Isah Akuboh, wanda ake zargin dan kungiyar ‘yan fashi ne a yayin da yake kokarin…

Rundunar ‘yan sanda a babban birnin tarayya Abuja, ta cafke wani mutum mai suna Isah Akuboh, da ake zargin dan kungiyar ‘yan fashi ne a yayin da yake yunkurin satar wata mota kirar Lexus da ba ta yi rajista ba a unguwar Berger Quarry da ke unguwar Mpape a Abuja.

A cikin wata sanarwa da kakakin rundunar ‘yan sandan jihar DSP Josephine Adeh ya fitar, ta ce an kama wanda ake zargin ne biyo bayan karar da wani Saurayi ya yi wanda ya yi zargin mutumin da abokan aikinsa ya sanar da ‘yan sanda.

Ta ce ’yan sandan sun zage damtse inda suka yi wa barayin da suka gudu inda suka kama daya daga cikinsu.

Ta ce an samu kwaikwayar bindigar turanci guda daya da aka kera a gida da harsashi 9X19mm har guda uku daga hannun wanda ake zargin.