An gano gawawaki a hatsarin jirgin sama:Nepal

Mahukunta a Nepal sun tabbatar da samun dukkanin gawawakin mutanen da suka mutu a hatsarin jirgin saman da ya afku a karshen makon da ya gabata.

Da safiyar wannan rana ta Talata ce mahukunta a kasar ta Nepal suka tabbatar da samun gawawakin mutane 22 da suka mutu a wani hatsarin jirgin sama a da ya auku a kasar.

Sanarwar ta kara da cewar tuni aka fara bincike don tantance gawawwakin domin mikasu ga iyalansu. 

A ranar Lahadin da ta gabata ce wani karamin jirgin daukar masu yawon bude ido ya fadi jim kadan bayan tashinsa zuwa yankin nan na Jomsom da ‘yan yawon bude idanu kan ziyarta.