Daga Jaridun Mu A Safiyar Yau

Barka da safiya! Ga takaitaccen bayani daga Jaridun Najeriya:

Bangaren jam’iyyar New Nigeria People’s Party, NNPP, Sanata Rabi’u Kwankwaso, sun gudanar da wani taro makamancin haka na kwamitin zartaswa na kasa a Abuja, domin janye dakatarwar da aka yi masa. Bangaren ya sanar da korar sabon shugaban riko na jam’iyyar na kasa, Manjo Agbo da wasu fitattun ‘ya’yan jam’iyyar da ke da ruwa da tsaki a takunkumin Kwankwaso.

Ministan babban birnin tarayya, Nyesom Wike, ya ce har yanzu gwamnatinsa ba ta yanke shawarar yadda za ta kashe kudaden tallafi na N5bn da ake sa ran daga gwamnatin tarayya ba. Ya bayyana cewa gwamnatin FCT na iya yin la’akari da harkokin sufuri da tallafin abinci, yayin da ya ce ana ci gaba da kokarin dawo da zirga-zirgar ababen hawa zuwa babban birnin tarayya Abuja domin rage wahalhalun da mazauna ke fuskanta ta fuskar sufuri.

Akwai rahotannin da ke cewa an nada Ministan Babban Birnin Tarayya, Nyesom Wike a matsayin mamba a Majalisar Yakin Neman Zaben Gwamnan Jihar Bayelsa na Jam’iyyar All Progressives Congress. A kwanakin baya ne dai shugaba Bola Tinubu ya nada Wike, wanda shine tsohon gwamnan jihar Rivers a matsayin minista. Sannan kuma dan jam’iyyar Peoples Democratic Party, PDP, Campaign Council ne.

Jami’an hukumar babban birnin tarayya Abuja sun rusa wata kasuwa mai suna “Kasuwan Dare”. Kasuwar da ke kan titin Hassan Musa Katsina, kusa da Kpaduma II a Asokoro Extension, Abuja, an ce tana dauke da wasu da ake zargin ‘yan fashi ne da kuma dillalan kwayoyi.

Shugaban kasa Bola Ahmed Tinubu ya amince da nadin sabuwar hukumar gudanarwa da hukumar raya yankin Neja Delta (NDDC). Hakan na kunshe ne cikin wata sanarwa da mai magana da yawun shugaban kasar, Ajuri Ngelale, ya fitar a daren ranar Talata.

Basaraken gargajiya na Agulu da ke karamar hukumar Anaocha a jihar Anambra, Igwe Innocent Obodoakor, ya bukaci ‘yan Najeriya da su yi hakuri da shugaban kasa Bola Ahmed Tinubu. Obodoakor, wanda shi ne sarkin dan takarar shugaban kasa na jam’iyyar Labour Party (LP), garin Peter Obi, ya yi magana a lokacin bikin sabuwar doya ta al’ummarsa.

Kungiyar masu fafutukar kafa kasar Biafra, IPOB, a ranar Talata, ta zargi gwamnatin tarayya da yin watsi da shari’ar da ake yi wa shugabanta, Mazi Nnamdi Kanu, inda ta boye a wasu jerin tsare-tsare. Kungiyar IPOB a yayin da take yiwa gwamnatin tarayya ba’a akan zargin yin watsi da karar da kotun daukaka kara ta shigar akan hukuncin da kotun daukaka kara ta yanke tare da wanke Kanu, ta ce su hadu da kungiyar masu fafutukar kafa kasar Biafra a gaban kotu maimakon su yi watsi da karar ta da dabara.

Jami’an rundunar ‘yan sandan jihar Edo sun cafke wani matashi dan shekara 24 a duniya a jami’ar Fatakwal, Victor Ochonogor bisa zarginsa da daba wa budurwarsa mai suna Success Regha wuka har lahira ranar Litinin. Ochonogor, dalibin Aplied and Industrial Chemistry ya aikata laifin ne a lamba 10, Osahon Street, Ogheghe Quarters, kusa da titin Sapele, a cikin garin Benin.

Rundunar ‘yan sandan farin kaya ta NSCDC reshen jihar Gombe a ranar Talata ta gabatar da wasu mutane 46 da mata 32 da maza 14, wadanda aka kama a gidajen rawan dare da aka fi sani da Gidan Gala. An yi kamen ne bisa bin umarnin Gwamna Muhammadu Yahaya na cewa a rufe duk gidajen dare.

A ranar Talatar da ta gabata ne Hukumar Kula da Kasuwanci ta rufe harabar Kamfanin Stockmatch Investments Ltd da ke Maiduguri a Jihar Borno, bisa zarge-zargen ayyukan saka hannun jari. A cikin wata sanarwa da ta fitar, SEC ta ce matakin na daga cikin alkawurran da ta dauka na ganin an hana wasu kamfanoni da ba su yi rijista ba su gudanar da ayyukan kasuwar jari.