Taron APC na Kano ya rikide zuwa zubar jini yayinda dan majalisar wakilai Doguwa ya kaiwa Murtala Garo hari

A ranar Litinin din da ta gabata ne wani babban taron jam’iyyar All Progressives Congress (APC) da aka gudanar a Kano ya rikide zuwa zubar da jini yayin da shugaban masu rinjaye na majalisar wakilai Alhassan Doguwa ya kai wa mataimakin dan takarar gwamna na jam’iyyar Murtala Garo hari.

Taron wanda aka gudanar a gidan mataimakin gwamnan jihar Nasir Gawuna, an shirya shi ne domin duba nasarori da gazawar da aka samu a ziyarar dan takarar shugaban kasa na jam’iyyar, Bola Tinubu.

DAILY NIGERIAN ta rawaito cewa lamarin ya faru ne a lokacin da Alhasan Doguwa, wanda ba a gayyace shi taron ba, ya je ganin shugaban jam’iyyar, Abdullahi Abbas.

Wani mai magana da yawunsa ya ce, da isar shi wurin taron, Doguwa ya fara korafin cewa shugabannin jam’iyyar sun mayar da shi gefe kan al’amuran da suka shafi kudi, amma sai kawai aka gayyace shi don aiwatar da ayyuka masu wahala.

“Alhassan Doguwa da farko ya afkawa mataimakin gwamnan ne da wani hari na baka kafin ya juya ga Murtala Garo. Ya yi korafin cewa Murtala ya umarci yaransa da su rufe hotonsa a tutocin jam’iyyar yayin ziyarar Tinubu, alhali kuwa Murtala ba shi da hannu a hakan,” inji wata majiya.

“A wannan lokacin, Murtala ya yi yunkurin kiransa ya ba shi umarni, ya tsawata masa kan rashin da’a, sannan ya tuna masa yadda ya ci zarafin iyayensa (Murtala) a daren jiya yayin wani taro a gidansa (Doguwa) a Kwankwasiyya City.”

A fusace da kalubalen Sule Garo, DAILY NIGERIAN ta rawaito cewa Doguwa ya kwace kofin shayin mataimakin gwamnan ya jefawa Sule Garo.

A kokarin da ya yi na dakile harin da hannunsa, tarkacen kofin gilashin ya bugi Garo a hannunsa kuma ya raunata shi.

Sai dai taron ya kare bayan faruwar lamarin, inda mataimakin gwamnan ya gargadi Doguwa da ya nice daga gidan sa.

Kafin faruwar lamarin a ranar Litinin din da ta gabata, Doguwa ya zargi kwamishinan yada labarai na jihar, Mohammed Garba, bisa rashin sanya sunansa a cikin jadawalin masu magana a lokacin kaddamar da littafin Gwamna Abdullahi Ganduje na kwanan nan a Abuja.

Wani mai binciken ya kara da cewa a ziyarar da Mista Tinubu ya kai Kano, Doguwa ya kuma jefa babbar rigar da ta nade a fuskar shugaban jam’iyyar APC a majalisar wakilai, Ali Wudil, saboda rashin hotonsa (Doguwa) a cikin rigar. .