Bikin Tsofaffin Dalibai KNOSA

Tsofaffin ‘Yan makarantar Sakandaren kofar Nassarawa Aji na Bubu biyu da daya(2001) Sun gudanar da bikin ciki shakara 20 da kammala makarantar Sakandaren, sun gudanar da Bikin ne a Wajen taro na Asibitin Aminu Kano Dake a Birnin Kano, A Dakin Taro na Hadiza Masha Nurses Hall Ranar Litinin din Da ta gabata 27\12\2021, da misalin karfe 9:00am.

Kafin Gudanar Taron sun fara ne da wasan wallon Kafa a Tirka-Tirka Arena wanda aka fi sani da Pizza and Gurasa, dake Nasarawa GRA a Kano, An tashi wasan 13-7, Inada wani tsohon dan makarantar mai suna Abba Ado ya zama “Man of the Match”

A taron da aka gabatar sun karrama Malaman makarantar da kuma wadanda suka bada gudumuwa wajen ganin taron ya gudana, Sannan sun nufi ta yadda zasu bada gudumuwar su wajen cigaban makarantar da kuma kulla zumunci a tskanin su, bayan nan kuma an gabatar da wakar da aka rerawa daliban a taron.

Daga karshe kuma an ci an sha, an yi hotuna Sannan kuma aka shiga cikin Asibitin Domin duba Marasa Lafiya.