Kasuwar ‘yan kwallo: Makomar Ibrahimovic da De Jong da Pickford da Tolisso da Gavi da Xhaka

Dan gaban AC Milan Zlatan Ibrahimovic na shirin tsawaita zamansa a ƙungiyar ta Serie A. 

Kwantiragin dan wasan na Sweden mai shekara 40, wanda ya sake komawa kungiyar a watan Janairu na shekarar da ta wuce, ya kare a bazara, amma kuma zai kulla wani sabon wa’adin da zai kai shi zama a ƙungiyar har zuwa want Yuni na 2023. (Football Italia)

Manchester United ta musanta rahotannin da ke cewa tana son daukar Zinedine Zidane, mai shekara 49, domin ya maye gurbin Ole Gunnar Solskjaer a Old Trafford. (Athletic)

Manchester City ta kusa cimma yarjejeniyar sayen dan wasan tsakiya na Barcelona da Holland Frenkie de Jong, mai shekara 24, a kan fam miliyan 75. (El Chiringuito daga Sun

Kociyan Tottenham Antonio Conte na sha’awar mai tsaron ragar Everton da Ingila Jordan Pickford, mai shekara 27.

An ce kociyan dan Italiya na shirin neman wanda zai maye gurbin Hugo Lloris na Faransa mai shekara 35, wanda yake shekarar ƙarshe ta kwantiraginsa da Spurs. (Mirror) 

Haka kuma ƙungiyar ta Tottenham na sha’awar dan wasan tsakiya na Bayern Munich da Faransa Corentin Tolisso, amma kuma za ta fuskanci gogayya daga Internazionale a kan dan wasan mai shekara 27. (Kicker)Podcast

Chelsea na shirin zawarcin matashin dan wasan tsakiya na Barcelona Gavi. Dan Sifaniyar mai shekara 17 wanda kwantiraginsa zai kare a bazarar 2023, yana da damar wata kungiya ta saye shi, idan ta biya kudin na-gani-ina-so fam miliyan 42, bayan kuma na cinikinsa. (Sun)

A halin da ake ciki kuma da alamar cewa Chelsea ba za ta bayar da aron dan wasanta na gaba, dan Moroko Hakim Ziyech, mai shekara 28, a watan Janairu ba. (Telegraph)

Arsenal ba ta da niyyar bai wa Alexandre Lacazette, mai shekara 30, dogon kwantiragi, sai dai kawai na dan gajeren lokaci idan zai ci gaba da zama a kungiyar har zuwa wata kakar. (Athletic)

Roma za ta iya sake komawa tattaunawar neman sayen dan wasan tsakiya na Arsenal da Switzerland Granit Xhaka, mai shekara 29. (Corriere dello Sport daga Football 365)

Wakilin matashin dan wasan gaba na kungiyar Red Bull Salzburg ta Jamus, wanda kuma Liverpool ke hari Karim Adeyemi, mai shekara19, ya gana da Paris St-Germain. (Sport 1 daga Express)

Newcastle United ta samu karin karfin guiwa a kokarin da take na neman sayen dan bayan Bayern Munich Niklas Sule.

Dan Jamus din mai shekara 26 yana son barin kungiyar ta Bundesliga kuma daman kwantirginsa zai kare a karshen kakar nan. (Bild daga Sun) 

Kociyan tawagar Belgium Roberto Martinez na ganin Eden Hazard bay a jin dadi a Real Madrid. Ana danganta dan wasan mai shekara 30 da komawa tsohuwar kungiyarsa Chelsea ko kuma Newcastle. (Metro)

Kociyan Burnley Sean Dyche ya ce hankalin dan bayansa na Ingila James Tarkowski, mai shekara 28, a kwance yake, kuma bai raba hankalin nasa ba duk da sha’awarsa da Newcastle da West Ham da kuma Tottenham suke yi. (Burnley Express)