A ranar Laraba ne wata babbar kotu da ke babban birnin tarayya Abuja ta amince da bayar da babban belin tsohon gwamnan babban bankin Najeriya (CBN) Godwin Emefiele kan kudi naira miliyan 300.
Mai shari’a Hamza Muazu ya kuma umarci Emefiele da ya gabatar da mutum biyu wadanda za su tsaya masa a daidai wannan adadi.
Muazu ya ba da umarnin cewa wadanda za su tsaya masa dole ne su mallaki takardar shaidar zama da kuma mallakar kadarori a cikin gundumar Maitama.
Emefiele yana da hurumin ajiye dukkan takardun tafiyarsa a gaban magatakardar kotu kuma dole ne ya ci gaba da zama a cikin karamar hukumar Abuja.
Ana sa ran zai ci gaba da kasancewa a Cibiyar Gyaran Kuje har sai ya cika sharuddan belin.
Hakan na zuwa ne watanni hudu bayan da wata babbar kotun tarayya da ke zamanta a Legas ta bayar da belin Emefiele kan kudi naira miliyan 20. (NAN)