Wata gobara ta lalata shaguna shida da ke kusa da tashar mota a karamar hukumar Birniwa ta jihar Jigawa.
Gobarar dai ta faru ne a sakamakon gobarar wutar lantarki, kamar yadda kakakin hukumar tsaron farin kaya ta Najeriya (NSCDC) a jihar, Adamu Shehu ya bayyana.
Shehu wanda ya tabbatar wa manema labarai faruwar lamarin a ranar Litinin din da ta gabata, ya ce an kashe gobarar ne bayan ta lalata kadarori na miliyoyin naira.